جانجالداسقان جاماليەۆ 13 جىلعا باس بوستاندىعىنان ايىرىلدى

كەشە استانانىڭ مامان­دان­دىرىلعان اۋدانارالىق قىلمىستىق ىستەر جونىندەگى سوتى بەلگىلى بيزنەسمەن قايرات جاماليەۆكە قاتىستى قىلمىستىق ءىستى اياقتاپ, ونى 13 جىلعا باس بوستاندىعىنان ايىردى. سوتتالۋشى بۇل مەرزىمدى قاتاڭ رەجىمدەگى كولونيادا وتەيتىن بولدى. سونىمەن قاتار, ونىڭ بارلىق م ۇلىكتەرى تاركىلەنەدى. وسىلايشا, استانا قالاسىنىڭ تۇرعىنى ءالىبيدى ۇرىپ-سوققان جاماليەۆتىڭ اتىشۋلى قىلمىستىق ءىسىن قاراۋدى قولعا العان سوت توراعاسى ەربول راحىمبەكوۆ سوت پروتسەسىنە سوڭعى نۇكتەنى قويدى. ال پروتسەسس بيىلعى 11 ماۋسىمدا باستالعان ەدى. سوتتىڭ جابىق تۇردە وتكەن ءىس قاراۋى ەكى ايعا جۋىق ۋاقىتقا سوزىلدى. سوتتىڭ شەشىمى بويىنشا, وسى ىسكە قاتىستارى بار ارمان ءابىل­تاەۆ 12 جىلدىق جازاعا كەسىلسە, انا­تولي پريبىتكوۆ 8 جىلعا باس بوس­تاندىعىنان ايىرىلدى. بۇلاردىڭ ەكەۋى دە جازالارىن قاتاڭ رەجىمدەگى كولونيادا وتەيدى. ەكەۋىنىڭ دە م ۇلىكتەرى تاركىلەنەدى. ايتا كەتەتىن جايت, سوتتىڭ شى­عار­عان ۇكىمىنە سايكەس, مۇندا ماسەلە سوتتالۋشىلاردىڭ بارلىق مۇلكىن تاركىلەۋ تۋرالى بولدى. ال سوتتالۋشىلاردىڭ بۇل ۇكىمگە شا­عىمدانا الاتىنى ايتىلىپ وتىر. سوتتالۋشىلارعا ۇكىم شىعارۋ اشىق تۇردە ءوتتى. تاعى ءبىر ايتا كەتەرلىگى, وسىعان دەيىن مەملەكەتتىك پروكۋروردىڭ ىستەگى باستى كۇدىكتى كاسىپكەر قايرات جاماليەۆتى 10 جىلعا باس بوستاندىعىنان ايىرۋدى سۇراعانى حابارلانعان ەدى. سونىمەن قاتار, ول ابىلتاەۆتى مۇلكىن تاركىلەي وتىرىپ, 8 جىلعا باس بوستاندىعىنان ايىرۋدى, ال پريبىتكوۆتى 7 جىلعا باس بوستاندىعىنان ايىرۋدى تالاپ ەتكەن. ماۋسىمنىڭ 11-ىندە باستالعان سوت پروتسەسىنە قايرات جاماليەۆ پەن اناتولي پريبىتكوۆ قانا كەلدى. بۇل كەزدە ارمان ابىلتاەۆ ىزدەۋدە بولاتىن. پروتسەسس باستالعاننان كەيىن ءبىر اپتادان سوڭ قاشقىن قولعا ءتۇستى. ول ءوزىنىڭ ءوڭ-ءتۇسىن ءبىراز وزگەرىسكە ءتۇسىرىپ العان ەكەن. قۇرىش نۇرىمبەت.